Tugas Akhir Modul 3 Profesional Bahasa Jawa

1.      Wacanana  ukara mawa aksara Jawa ing ngsior iki kanthi bener lan pener!

Ukara	Unine
	Nabi Nuh
	Kabupaten Sampang
	Fungsine vitamin tumrap kasarasan
	Ghazali lan Ghulam Ahmad
	Jembare kebon ana 250 meter persegi

2.      Gatekana geguritan ing ngisor iki, banjur wacanana kanthi wicara, wirama, wiraga, lan wirasa kang trep!

Kabeh Ana Wektune

                                                                                    Dening: A.S. Yasman

Aja mbungahi yen lagi lungguh kursi

Sakwayah-wayah nampa fee

Yen mlaku langak-langak

Ora bisa mlengak

Senengane ndilat ndhuwuran

Ngidak ngisoran

Mengko yen kalepyan

                        Aja kumalungkung adol gendhung

                        Yen lagi diugung

                        Banjur ngempalake aji mumpung

                        Lali petung

                        Mengko yen lingsir keprabon

                        Mundhak takon ?!

Kabeh ana wektune

Ana wektune ditinggal lunga

Ana wektune ngumbar esem

Ana wektune nyepaplem

Ana wektune lakak-lakak

Ana wektune diseplak

                        Mula sing eling lawan waspada

                        Supaya ora gela!

                        Ora percaya?

                        Entenana titi kalamangsa!!!

(kajupuk saka Mulyana, 2014: 47)

3.      Golekana purwakanthi, lelewaning basa, lan isine geguritan ing ndhuwur kuwi!

a.      Purwakanthi

·         Purwakanthi swara :

Yen mlaku langak-langak

Ora bisa mlengak

Senengane ndilat ndhuwuran

Ngidak ngisoran

Aja kumalungkung adol gendhung

                        Yen lagi diugung

                        Banjur ngempalake aji mumpung

                        Lali petung

Mula sing eling lawan waspada

                        Supaya ora gela!

                        Ora percaya?

                        Entenana titi kalamangsa!!!

·         Purwaknthi Sastra :

Aja kumalungkung adol gendhung

Yen lagi diugung

Banjur ngempalake aji mumpung

Lali petung

·         Purwaknthi Lumaksita :

Sakwayah-wayah nampa fee

Ana wektune ditinggal lunga

Ana wektune ngumbar esem

Ana wektune nyepaplem

Ana wektune lakak-lakak

Ana wektune diseplak

b.      Lelewaning Basa

·         Pararelisme :

Ana wektune ditinggal lunga

Ana wektune ngumbar esem

Ana wektune nyepaplem

Ana wektune lakak-lakak

Ana wektune diseplak

c.       Isi geguritan :

Geguritan ingkang irahan-irahanipun “Kabeh Ana Wektune” ing nginggil menika wosipun tumrap manungsa nalika gadhah kedhudhukan ingkang inggil, kedahipun tansah emut lan waspada. Jabatan ingkang inggil menika prayoganipun sampun ngantos andadosaken manungsa ingkang gumedhe. Kaliyan tiyang ageng tansah ngunggul-nggungulaken. Wondene kaliyan tiyang alit, samena-mena utawi adamel sangsara.

Jabatan menika amanah. Sampun ngantos kanthi jabatan menika, manungsa supe marang tugas pokok saking jabatan menika saengga ngalalaken sedaya cara lan tumindak duksiya “atas nama” jabatan. Sedaya wonten titi wancinipun. Sedaya ing donya menika minangka titipan saking Gusti Kang Maha Kuwasa. Bilih sampun rampung titi wancinipun, bakal wangsul malih.