Cah Ayu Ar Rummana

Geguritan iki minangka sawijining geguritan kang digawe nggunakake sandi asma. sugeng maos.

Cah Ayu Ar Rummana

    dening Ahsani Taqwim

Dadi rasa mung sewates rasa

Eling esem kang dadi pangupa jiwa

Lali-lali nanging tansah milut ing ati

Iki tandha sejatining tresna

Mung slirane tan ana bandhinge

Ar Rummana kang dadi asmane

Nanging ati tan bisa kuwawa

Urip ijen tanpa sabawa rasa

Rasa kang kalamat-lamat

Munjukake donga marang Sang Kuwasa

Asepi swasana ing wengi tanpa cahya

Lair lan batin nyawiji marang Gusti

Amrih pepadhang sakabehing jati dhiri

Supaya pikoleh apa kang diupadi

Ar Rummana, cah ayu ing jalanidi

Rasa iki moga bisa nyawiji

Ing sliramu kang daktresnani

Tuyuhan, 10 Februari 2020